«Բարև, Բալիկը» փաստահենք տեղեկատվության ու գործիքների հարթակ է, որը ստեղծվել է ներկա և ապագա ծնողների համար։ Հարթակն ընդգրկում է հղիանալու ցանկությունից մինչև բալիկների վեց տարին լրանալու փուլերը: «Բարև, Բալիկը» Ձեր անփոխարինելի օգնականը կդառնա սպասվելիք այդ բոլոր փուլերում:

«Բարև, Բալիկը» հարթակը «Բարև, բալիկ» ծրագրի մասն է կազմում, որն իրականացվում է Հայաստանում ՄԱԶԾ գրասենյակի կայուն զարգացման նպատակների ազգային նորարարական կենտրոնի կողմից՝ Վիվա-ՄՏՍ-ի և ՀՀ կառավարության, մասնավորապես՝ ՀՀ առողջապահության նախարարության աջակցությամբ։

«Բարև, Բալիկ» ծրագրի միջոցով նախատեսվում է արդիականացնել Հայաստանում հանրային առողջապահության համակարգը, նորագույն տեխնոլոգիական լուծումների գործադրմամբ բարելավել վերարտադրողական ու մոր և մանկան առողջության ոլորտում մատուցվող ծառայությունների և տրամադրվող տեղեկատվության որակն ու հասանելիությունը, ինչպես նաև խթանել փաստահենք որոշումների կայացման մշակույթը։

Եթե Դուք ցանկանում կամ նախապատրաստվում եք հղիանալ, արդեն հղի եք կամ ունեք մինչև վեց տարեկան բալիկ կամ բալիկներ, ապա մեր հարթակը Ձեզ համար է:

«Բարև Բալիկը» կտա Ձեր բոլոր հարցերի պատասխանները, կօգնի նախապատրաստվել մայրանալուն, կլինի Ձեր անփոխարինելի աջակիցը բալիկներին խնամելու և նրանց ճիշտ զարգացմանը հետևելու գործընթացում։

Ողջո~ւյն, ներկա կամ ապագա սիրելի ծնո՛ղ:

«Բարև Բալիկ» հարթակում ամեն ինչ պարզ է և օգտվելու համար հեշտ: Ընտրելով համապատասխան պատուհանները` կստանաք փնտրվող տեղեկատվությունը և կկարողանաք հեշտությամբ կատարել անհրաժեշտ հաշվարկները մեր մշակած գործիքների օգնությամբ:

Ինչպե՞ս գրանցվել հարթակում
Մեր կայքի նյութերին ծանոթանալու համար գրանցումը պարտադիր չէ, սակայն գործիքներից օգտվելու համար անհրաժեշտ կլինի գրանցվել:
Գրանցվելը հեշտ է: Խնդրում ենք գրանցման պատուհանում լրացնել պահանջվող անձնական տվյալները, որպեսզի մեր կայքում ստեղծվի անձնական էջ: Այստեղ կպահպանվի Ձեզ անհրաժեշտ ամբողջ տեղեկությունն, ու կկարողանաք պարբերաբար թարմացնել այն:
Ձեզ կյանքի ամենահետաքրքրական փուլերից մեկն է սպասվում, եկե՛ք այն անցնենք միասին: Դե ինչ, ճանապարհ ընկնե՞նք:

Ինչպե՞ս ապաակտիվացնել հաշիվը
Եթե ցանկանում եք ապաակտիվացնել հաշիվը, խնդրում ենք նշել ապաակտիվացման պատճառն ու հետևել հրահանգներին:

Պատճառներ

• Իմ բալիկի վեց տարին արդեն լրացել է:
• Ես օգտակար չեմ համարում կայքը:
• Կայքը դժվարամատչելի է/ կայքից չեմ կարողանում օգտվել:
• Այլ. խնդրում ենք նշել Ձեր պատճառը:

Ինչպե՞ս օգտվել գործիքներից
Մեր կայքում կգտնեք հատուկ մշակված գործիքներ, որոնք կօգնեն Ձեզ տարատեսակ հաշվարկներում:

Ֆինանսական աջակցություն
Այս գործիքի շնորհիվ կկարողանաք կողմնորոշվել, թե պետության կողմից հատկացվող ֆինանսական ինչ աջակցության կարող եք հավակնել և դիմել որպես ներկա և ապագա ծնող։

«Ֆինանսական աջակցություն» գործիքի օգնությամբ կիմանաք` արդյո՞ք որևէ ծրագրի շահառու եք, թե ոչ, և թե ինչպիսի ֆինանսական աջակցության կարող եք հավակնել։ Այս գործիքի օգնությամբ հնարավորություն կունենաք ծանոթանալ անհրաժեշտ փաստաթղթերի ցանկին և այդ փաստաթղթերը ներկայացնելու կարգին: Օգտվելու համար պետք է գրանցվել` սեղմելով «Գրանցվել» կոճակն ու հետևել հրահանգներին: Գրանցումից անմիջապես հետո գործիքը հասանելի կդառնա ձեզ: Եթե արդեն գրանցվել եք՝ սեղմե՛ք «Մուտք գործել» կոճակը:

Պատվաստում
Երեխան պետք է ժամանակին՝ ըստ ազգային օրացույցի, պատվաստումներ ստանա, ինչը նրան ամբողջ կյանքում հուսալիորեն կպաշտպանի վտանգավոր և ծանր վարակներից: Պատվաստումն արդյունավետ է, երբ կատարվում է օրացույցում նշված ժամկետներում կամ, որքան հնարավոր է, դրանց մոտ:
«Պատվաստում» գործիքը Ձեր փոխարեն «կհիշի», թե ինչ պատվաստումներ պետք է ստանա բալիկը մոտակա ժամանակահատվածում, և թե պատվաստումներից որոնք է նա արդեն ստացել:

Օրացույց Այս գործիքի շնորհիվ կարող եք հետևել երեխայի քնելու և կրծքով կերակրվելու ռեժիմին և վերհանել որոշ օրինաչափություններ՝ նրա ճիշտ զարգացմանը հետևելու համար։ Մայրիկները ևս կարող են հետևել իրենց առողջությանը՝ գրանցելով դաշտանային ցիկլը։

Կծկումների հաշվիչ
Այս գործիքը նախատեսված է հղիների համար՝ հղիության վերջին շաբաթներին կծկումների հաճախականությանը հետևելու և համապատասխան գործողություններ ձեռնարկելու համար։ Երեխայի զարգացման պատմություն Կյանքի առաջին տարիներն անչափ կարևոր են երեխայի մտավոր և ֆիզիկական զարգացման համար: Երեխաները սովորում են արագորեն՝ կյանքի առաջին իսկ պահից սկսած: Երեխայի աճն ու զարգացումը լավագույնս ապահովելու համար անչափ կարևոր է, որ ի լրումն լիարժեք սնուցման և առողջության պահպանման՝ ծնողները և երեխային խնամողները ուշադրության կենտրոնում պահեն երեխային, ակտիվորեն շփվեն նրա հետ, արձագանքեն երեխայի բոլոր կարիքներին և խթանեն նրա տարբեր հետաքրքրությունները:

Ծառայություններ իմ մոտակայքում
Այս բաժնում զետեղել ենք տեղեկատվություն այն բուժհաստատությունների մասին, որոնք մատուցում են հետևյալ ծառայությունները․

• Մանկաբույժի և ընտանեկան բժշկի ծառայություն
• Լաբորատոր-ախտորոշիչ ծառայություն
• Մանկաբարձ-գինեկոլոգի ծառայություն
• Մանկական ատամնաբույժի ծառայություն
• Նեոնատոլոգիական ծառայություն
• Պերինատոլոգիական ծառայություն
• Վերարտադրողական ծառայություն

Ձեր մոտակայքում ծառայությունը գտնելու համար ցուցակից ընտրեք ծառայության տեսակները։ Այնուհետև քարտեզի վրա ընտրեք նախընտրած մարզերը և սեղմեք «շարունակել» կոճակը։
Գործիքներին, դրանց գործառույթներին ու օգտվելու կարգին կարող եք ծանոթանալ համապատասխան էջերում: